金寶Sir提提你: 僱主容易忽視的遣散費

今日有個僱主打電話黎話個工人要claim佢遣散費。事緣工人已經完成左一份24個月合約。但係個僱主可能唔想傷佢自尊心啦,就同佢講唔再用工人喇,但係其實個僱主已經請咗個新工人。係咁嘅情況其實駛唔駛比遣散費呢?

首先,遣散費係以下情況需要支付。如外傭已連續為僱主工作不少於24個月,因裁員理由而遭解僱或不獲續約,僱主要支付遣散費。

由於上述個案僱主已經請了新女傭,所以不算裁員,因此並不需要支付遣散費。但如果僱主有財務困難(失業)而炒工人;又或者僱主太太決定唔做自己湊番個小朋友等,都可視作裁員。

以我金寶Sir 經驗,好多僱主會中嘅通常係用個外傭2-4年,之後自己唔做野全職湊返小朋友。其實呢D情況,僱主係需要俾遣散費。好多僱主唔會為意呢樣野,甚至乎會話:「哇!咁僱主好冇保障姐。」要記住「外傭條例」嘅遣散費同我地香港打工仔嘅「勞工條例」係一樣。主要係保障受僱一方。試想想如果你係一間公司做左3年,有一日老闆同你講要裁員,你都會追遣散費啦。條例就係咁,有僱主試過冇俾工人claim 只係個工人唔識野,唔代表你唔駛俾。所以個著眼點係「連續24個月」同埋「解僱或不續約嘅原因」