長期服務金

金寶Sir 提提你 :長期服務金點樣計?

金寶SIR好多時都被粉絲追問有關工人的長期服務金問題⋯⋯

究竟僱主在什麼情況下需要付長期服務金?長期服務金又點樣計算?

首先,工人必需要連續受僱滿5年,並符合下列其中一項條件,就可以享有長期服務金。
1.被僱主解僱(但唔係因截員或者犯咗嚴重過失而被即時解僱)
2.合約期滿後不被續約
3. 在職期間死亡
4. 有註冊醫生或者註冊中醫發出指定嘅證明書,證明永久不適合擔任現時工作而辭職
5. 65歲或以上因年老而辭職

好啦咁又點樣去計長期服務金呢?

其實只要將姐姐最後一個月嘅工資 x 2/3 x 服務年資。咁就得㗎啦!

打個譬如,我金寶Sir個工人係我度做咗六年,之後我同佢終止合約,咁我就要比以下嘅長期服務金啦
$4410x 2/3 x 6年= HKD17,640

好喇講咁耐考一考大家:
有一個個案,工人做咗四年,即係兩個合約。之後僱主同佢再續約,但係用多半年後就解僱左個工人,係咁嘅情況底下你估個僱主洗唔洗比長期服務金?

又第二個個案,工人做左5年,諗住做埋第6年完約唔續約就返鄉下照顧家人。個僱主就想繼續續約嘅。咁嘅情況你地又估下洗唔洗比長期服務金?

#金寶sir
#金寶sir提提你

借錢

金寶sir提提你:收到財務公司追數點算好?

啱啱有朋友打電話俾金寶sir,因為佢知道自己個工人借咗財務公司錢又冇錢還,而佢工人做咗五年,炒佢就要比長期服務金。不過我呢位朋友都算好彩,因為佢同工人講知道左佢欠財仔錢,工人都願意自己辭職。不過注意番,一定要工人自己寫返封遲職信,同埋簽埋ID407E。點解咁講?

因為外傭借左財仔,走左之後一定要正式通知入境處外傭已經離職(頭先講果張ID407E)。因為如果你唔咁做,你冇入境處果封回覆外傭已離職嘅信,去通知返財仔你個外傭已經走左,財仔基本上係會不斷來搵個外傭。聽落去好似好荒謬,竟然要去通知財仔,不過呢招真係萬試萬靈。

相信大家都聽過好多外傭借錢唔還,財仔搵上門嘅新聞。一日財仔知道個外傭未走,而外傭仲爭佢地錢,就會成日走來煩你。有好多傭主都係因為頂唔順而要炒左個工人。不竟人地食呢行飯嘛,你official 通知左財仔人都唔係度,自自然唔會再來搵你啦。

工人點先唔會借錢?金寶Sir梗係有方法啦,不過就唔方便係呢度講喇。哈哈😄

#金寶僱傭
#金寶Sir
#金寶Sir提提你

牛頭費


金寶sir提提你: 什麼是「牛頭費」?

印尼的中介公司,亦即是訓練學校,好多都會聘用牛頭。所謂牛頭,他們的工作是從偏遠嘅鄉村找來願意出國當女傭的女孩。一般每一個帶去學校的女傭,印尼學校會付「牛頭費」大約HKD2000至HKD5000不等。亦因為牛頭呢一個制度,香港嘅中介公司跟印尼學校請一個女傭都要繳付一筆學校費用。

2018年初印尼勞工部一直放風要求改革訓練學校收取工人款項,其中牛頭制度是印尼政府最希望廢除。因為勞工部要求訓練學校收取工人款項要進一步下調,他們相信牛頭費是該款項居高不下嘅原因。

講左咁耐,究竟牛頭關我地僱主咩事? 其實最直接影響就係印尼訓練學校嘅收費。如果真係取消牛頭制度,相信勞工部會立刻要求訓練學校進一步下調工人收費。由於羊毛出自羊身上嘅道理,印尼訓練學校為咗保持自己嘅利益,相信會上調對香港中介嘅收費,最終會間接影響香港中介上調聘請印尼女傭的收費。簡單咁講,如果取消牛頭,好大機會會加價。

相信印尼政府落實取締牛頭制度改為中央招聘時,新一輪印尼女傭加價潮又會再出現。

#金寶僱傭
#金寶Sir
#金寶Sir提提你

遣散費

金寶Sir提提你: 僱主容易忽視的遣散費

今日有個僱主打電話黎話個工人要claim佢遣散費。事緣工人已經完成左一份24個月合約。但係個僱主可能唔想傷佢自尊心啦,就同佢講唔再用工人喇,但係其實個僱主已經請咗個新工人。係咁嘅情況其實駛唔駛比遣散費呢?

首先,遣散費係以下情況需要支付。如外傭已連續為僱主工作不少於24個月,因裁員理由而遭解僱或不獲續約,僱主要支付遣散費。

由於上述個案僱主已經請了新女傭,所以不算裁員,因此並不需要支付遣散費。但如果僱主有財務困難(失業)而炒工人;又或者僱主太太決定唔做自己湊番個小朋友等,都可視作裁員。

以我金寶Sir 經驗,好多僱主會中嘅通常係用個外傭2-4年,之後自己唔做野全職湊返小朋友。其實呢D情況,僱主係需要俾遣散費。好多僱主唔會為意呢樣野,甚至乎會話:「哇!咁僱主好冇保障姐。」要記住「外傭條例」嘅遣散費同我地香港打工仔嘅「勞工條例」係一樣。主要係保障受僱一方。試想想如果你係一間公司做左3年,有一日老闆同你講要裁員,你都會追遣散費啦。條例就係咁,有僱主試過冇俾工人claim 只係個工人唔識野,唔代表你唔駛俾。所以個著眼點係「連續24個月」同埋「解僱或不續約嘅原因」

女傭的故事 1

「為左應付登山訓練,Lisa 每日收工後到僱主家附近的一幢21層的公寓,背着負重的登山包上上落落走樓梯。」
Liza 既故事充滿正能量,金寶Sir我睇完都非常滾動。可惜一般香港人嘅家庭,都可能都未必包容到。因為女傭嘅工作係香港人嘅社會多數冇收工時間呢個概念,最多都係話你「做完晒」D野咪可以休息下用下電話咁囉。你試下imagine 如果你個工人晚上9點做晒野同你講:「mum 我想落街操下山或者做下運動」你估下你又O 唔OK?

當然唔係話你唔俾就係差嘅僱主啦,始終每個家庭情況唔同。不過呢D好人好事冇個包容嘅傭主都成就唔到。

相信Liza 係佢僱主心目中係一個好好嘅工人。如果你屋企嘅工人心中都有一團火,你又有冇咁嘅包容同空間去成就美事呢?