金寶Sir 提提你 :長期服務金點樣計?

金寶SIR好多時都被粉絲追問有關工人的長期服務金問題⋯⋯

究竟僱主在什麼情況下需要付長期服務金?長期服務金又點樣計算?

首先,工人必需要連續受僱滿5年,並符合下列其中一項條件,就可以享有長期服務金。
1.被僱主解僱(但唔係因截員或者犯咗嚴重過失而被即時解僱)
2.合約期滿後不被續約
3. 在職期間死亡
4. 有註冊醫生或者註冊中醫發出指定嘅證明書,證明永久不適合擔任現時工作而辭職
5. 65歲或以上因年老而辭職

好啦咁又點樣去計長期服務金呢?

其實只要將姐姐最後一個月嘅工資 x 2/3 x 服務年資。咁就得㗎啦!

打個譬如,我金寶Sir個工人係我度做咗六年,之後我同佢終止合約,咁我就要比以下嘅長期服務金啦
$4410x 2/3 x 6年= HKD17,640

好喇講咁耐考一考大家:
有一個個案,工人做咗四年,即係兩個合約。之後僱主同佢再續約,但係用多半年後就解僱左個工人,係咁嘅情況底下你估個僱主洗唔洗比長期服務金?

又第二個個案,工人做左5年,諗住做埋第6年完約唔續約就返鄉下照顧家人。個僱主就想繼續續約嘅。咁嘅情況你地又估下洗唔洗比長期服務金?

#金寶sir
#金寶sir提提你