「Direct Hire」我地行內又叫「指定申請」或者「name hire」。顧名思義是僱主已經有合適嘅女傭，辦手續申請來香港。 其好處係因為已經配對好，一般收費都會比較平，但係有幾點傭主需要注意。

1）女傭如從未來港一般都需要支付當地中介若干費用。（例如訓練費，住宿費等。）

2）現時只有菲律賓完約工人可以不需要中介處理。當中主要原因為領事館要求。因為香港的有牌僱傭中心要對領事館簽一份協議，如果女傭出現特別情況，僱傭中心需要提供協助。（例如被解僱後，需要提供宿舍。）

3）一般Direct Hire申請，女傭一到學校report ，或文件已交領事館，就立刻產生費用，所以女傭突然轉軚唔來，僱主可能會蒙受全面年損失。

4）女傭由於direct hire 只需要付少量費用就可以來港，有機會做幾個月當去完旅行就同你Say goodbye 。

所以搵一間有信用嘅僱傭中心係好緊要。我金寶Sir 深知傭主嘅考慮我地嘅Direct Hire 除左平絕全城，仲有女傭甩轆保險，女傭放飛機傭主都唔會total loss。

上回講到什麼是Direct Hire ，（直接聘請指定外傭 Direct Hire Domestic Helper)，現在再深入講多少少。

最好選擇擁有俗稱「大牌」的僱傭中心，即係外僱原居地駐香港領事館所頒發的認證。事實上有好多所謂「艇仔公司」幫人攪Direct hire 手續，由於佢地沒有領事館牌照，所以一般好難掌握女傭係原居地嘅嘅申請狀況，也因為多了一重文件交收，申請時間一般較長。另外必須注意，其實領事館是禁止有牌公司幫「艇仔」公司做文件的。領事館一經發現，可能會「釘牌」。所以這「艇仔」公司能否持續經營都非常成疑。如果你選擇付錢給「艇仔」公司，而佢地對家有領事館牌的公司突然被釘牌，咁你個申請同俾左嘅錢就凍過水了。

金寶Sir:「嗱，Direct Hire 主要好處係減少不確定性，而Direct Hire 嘅壞處就係增加不確定性。」

「吓！？」

金寶Sir：「唔好吓我住，聽我講埋先。」

一般工人重新返來跟舊僱主打工，僱主都會用直接聘請Direct hire 的方式。如果有熟人介紹外傭，例如親友嘅女傭介紹她的女兒或者她的姊妹，都會用到直接聘請Direct Hire的方式；甚至乎係你嘅社區、隔籬鄰舍如果你見到一啲女傭覺得好好，而咁啱佢跟僱主滿約或者斷約出來，你想請佢都可以用Direct hire 方式。

以上係以前普遍會用到Direct Hire 嘅情況。好處係你已經掌握左個女傭一些實際工作表現或者對佢嘅品行、品格已經有一定了解先請佢。相對地女傭嘅不確定性就可以大大咁降低。金寶Sir 亦覺得原本Direct Hire 嘅用意應該係咁。

Direct Hire 因為已經配對好，所以價錢一般會比較便宜，呢個好處其實只不過係副產品。

而現今科技進步，好多網上平台應運而生，有部分僱主喜歡係網上自己搵女傭，呢一班僱主造就左近年一個新嘅Direct hire生態。

但係好多時僱主和女傭都對Direct Hire 嘅收費未有全面了解而出現問題。由於Direct Hire 會涉及當地訓練學校，不過有部份女傭因為未能支付當地學校費用而放棄申請。但因為Direct Hire 收費便宜，而往往一開始申請便產生費用，如果女傭因種種原因no show 唔來，僱主一般都係total loss。又有情況女傭到步後不久，便發現女傭問題多多要炒左佢。原因可能僱主未有足夠經驗去分辨女傭是好是壞，又或者網上搵工人未能夠全面掌握女傭實際情況。基於以上，Direct Hire 其實又會增加不確定性。

講到尾，如果你真係識個工人，Direct Hire 緊係有好處。但如果只係網上揾到覺得好似幾好，又或者係隔離屋個工人個朋友等等，除左慳左幾千蚊，分分鐘費時失事。不過總有一班僱主覺得請人只係睇彩數，所以我金寶Sir 為左回應呢一班傭主，我地金寶僱傭嘅Direct hire 套餐特別設有「甩轆保障」和「走樣保障」。